2010-07-28 15:01:18 مەنبەسى:تەر مىلەر تور بېكىتى كۆرۈلىشى :
109قېتىم
مۇخبىرنىڭ ئاپتونوم رايونلۇق نامراتلارنى يۆلەش ئىشخانىسىدىن ئىگىلىشىچە، ئاپتونوم رايون بۇ يىلدىن باشلاپ 30 نامرات ناھىيەدە نۇقتىلىق تۈردە نامراتلارنى يۆلەش خىزمىتىنى قانات يايدۇرۇپ، مەبلەغ سېلىنمىسى ۋە تەربىيەلەش سالمىقىنى زورايتىش ئارقىلىق 12 - بەش يىللىق پىلاننىڭ ئاخىرىغىچە نامرات ئاھالىدىن 1 مىليوننى ئازايتىدىكەن.
ھازىر ئاپتونوم رايونىمىزدا دۆلەت نامراتلارنى يۆلەپ راۋاجلاندۇرىدىغان نۇقتىلىق ناھىيەدىن 27 سى، ئاپتونوم رايون نامراتلارنى يۆلەپ راۋاجلاندۇرىدىغان نۇقتىلىق ناھىيەدىن ئۈچى بولۇپ، 2 مىليون 270 مىڭ ئاھالىنى نامراتلىقتىن قۇتۇلدۇرۇش كېرەك ئىكەن. بۇ يىل 17 ناھىيەدە نۇقتىلىق تۈردە نامرات ئاھالىلەرنىڭ تۇرالغۇ شارائىتىنى ياخشىلاش، تېرىقچىلىق، باقمىچىلىق قاتارلىق تۈرلەر ئارقىلىق نامراتلارنى يۆلەشكە 130 مىليون يۈەن ئاجرىتىلغان.
بۇ ئىشخانىنىڭ مۇدىرى جاۋ گومىڭنىڭ سۆزىگە قارىغاندا، ئاپتونوم رايون كەلگۈسى 10 يىلدا 10 مىليون مو سورتلۇق باغ بەرپا قىلىش قۇرۇلۇشىنى چىڭ تۇتىدىكەن، نەسىللىك چارۋا بېقىش كەسپىنى يەنىمۇ تەرەققىي قىلدۇرىدىكەن، دېھقان - چارۋىچىلارنىڭ ساپاسىنى يۇقىرى كۆتۈرۈپ، 2010 - يىلىغىچە نامرات دېھقان - چارۋىچىلارنىڭ يىللىق ئوتتۇرىچە ساپ كىرىمىنى 10 مىڭ يۈەندىن ئاشۇرىدىكەن.
